- डाळ फार वेळा चोळून चोळून धुवू नये, डाळीचे सत्व निघून जाते.
- डाळ शिजवण्यापूर्वी दोन तास तरी भिजत ठेवावी. लवकर शिजते.
- डाळ कुकरमधून घालून शिजवताना स्टीलच्या भांड्याचा वापर करावा. कुकरमध्ये स्टीलचे भांडे न ठेवता पुरण शिजवले तर हमखास काळपट होते.
- डाळ शिजवताना गरम पाण्यात चमचाभर तेल घालावे. पुरण लवकर शिजते. किंचित खायचा सोडा घातल्यानेही डाळ लवकर शिजते.
- डाळीला थोडीशी कड आली की त्यात जराशी हळद आणि तेल घालावे, डाळ लवकर शिजते. हळदीमुळे पुरणाला रंगही छान येतो.
- डाळ आणि पीठ या दोन्ही गोष्टी सारख्याच प्रमाणात घ्याव्यात पीठ उरत नाही.
- गुळाबरोबर थोडीशी साखर घातली तर पुरण लवकर शिजतेच पण गोडीही चांगली येते व पोळी लाटायलाही सोपी जाते.
- डाळ शिजताना त्यात दोन-तीन चमचे तांदूळ धुवून घालावेत. डाळीचा चिकटपणा वाढतो.
- डाळीचा कट जास्त पाणी घालून कधीही काढू नये, त्यामुळे पुरणाचा स्वाद कमी होतो.
- पुरण शिजवताना त्यात उलथने उभे राहिले की पुरण तयार झाले असे समजावे.
- पुरण चांगले शिजल्याची आणखी एक खूण म्हणजे पुरणाचा खमंग वास येतो आणि पातेल्यात कड वाळलेली दिसते.
- पुरण शिजवताना त्यात कधीही वेलदोडा किंवा जायफळपूड वगैरे मिसळू नये. त्यांचा स्वाद हमखास उडून जातो. पुरण चांगले वाटून झाल्यावरच जायफळ किंवा वेलदोड्याची पूड मिसळावी. स्वाद वाढतो.
- पुरणात किंचित मिरे वाटून घातल्यास पोळ्या बाधत नाहीत.
- पुरण सैल झाले तर पोळी पोळपाटाला चिकटते. अशा वेळी पुरण थोडे गरम करून घट्ट करावे. पोळी छान होते.
- सैल पुरण नॉनस्टीक कढईत घालून मंद गॅसवर परतल्यावरही घट्ट होते.
- चिमूटभर सोडा घातल्यानेही सैल पुरण घट्ट होते.
- पुरण सैल वाटले तर मलमलच्या कपड्यावर पसरावे. कापड पाणी शोषून घेतो आणि पुरण खुटखुटीत होते.
Monday 22 January 2018
पुरणपोळी : पुरण शिजवताना...
Subscribe to:
Post Comments (Atom)
सांजाच्या पोळ्या
कणीक चांगली तिंबून घ्यावी, नाहीतर पोळ्या चिवट होतात. रवा कमी तेलावर भाजावा, नाहीतर सांजा चिकट होऊन पोळीत नीट भरता येत नाही. रव...
... तर काय कराल ?
-
फ्राय-पॅन किंवा कढईत साखर घालून, थोडेसे पाणी घालून त्याचा पक्का पाक करावा आणि मग खोबरे टाकून परतावे. खोबऱ्याच्या वड्या लवकर तयार होतातच ...
-
डाळ फार वेळा चोळून चोळून धुवू नये, डाळीचे सत्व निघून जाते. डाळ शिजवण्यापूर्वी दोन तास तरी भिजत ठेवावी. लवकर शिजते. डाळ कुकरमधून घालून...
No comments:
Post a Comment