पाकातल्या पुऱ्या करताना...

कणीक भिजवताना त्यात आंबट ताक घालावे पुऱ्या हलक्या तर होतातच शिवाय चवीलाही आंबट-गोड लागतात. 

• आंबट ताक नसल्यास पाकात अर्ध्या लिंबाचा रस घालावा. लिंबाच्या रसाने पुऱ्यांना चकाकी येते. 
• पाकातल्या पुऱ्या करताना खूप आंबट ताकात रवा दोन तास भिजवल्यानंतर त्यात मैदा घातल्यास कणीक कुटावी लागत नाही. 
• पाक थंड होत आहे असे वाटताच वेळोवेळी थोडा थोडा गरम करावा. पुऱ्या गरम पाकातच टाकाव्यात. पाक थंड झाला तर पुरीत मुरत नाही. 

गोडाच्या पुऱ्या...

• मिश्रणाचा घट्ट गोळा करावा व हाताला तेल लावून मळावा. गोळा सैल झाल्यास पुऱ्या पोळपाटाला चिकटतात. 
• मिश्रण एकत्र केल्यावर लगेचच पुऱ्या करण्यास घ्याव्यात. म्हणजे पाणी सुटून मिश्रण सैल होत नाही.