घारगे

• घारगे करताना पीठ श्रीखंडाइतके सैल झाले की त्यात पीठ घालणे थांबवावे. पोळीच्या कणकेप्रमाणे घट्ट गोळा करू नये. 

• गूळ बेताने घालावा, नाहीतर घारगे कडक होतात. घारगे फिकट रंगाचे होण्यासाठी कणकेऐवजी तांदळाचे पीठ आणि गुळाऐवजी साखर वापरावी. 

• घारग्यांसाठी केशरी पिवळ्या रंगाचा भोपळा घ्यावा. फिकट पिवळा भोपळा घेऊ नये. 

• थापताना प्लॅस्टिक पिशवीला व हाताला पाणी लावावे. घारगा पिशवीला चिकटून बसत नाही. 

• तळताना गॅसची आच मंद ठेवू नये, मध्यम ठेवावी. घारगे चांगले तळले जातात. 

• तेलात सोडताना घारग्यांची खसखशीची बाजू नेहमी वर धरावी. त्यावर तूप उडवून घार्गे आकर्षकही करता येतात. 

• घारगे नेहमीच कढवलेल्या ताज्या तुपाबरोबर वाढावे. चवदार लागतात.