- पाकात टाकल्याबरोबर गुलाबजाम वर तरंगले नाहीत तर ते आतमध्ये कच्चे आहेत असे समजावे.
- कमीत कमी चार तास पाकात मुरू दिल्यास गुलाबजाम जास्त चवदार होतात.
- पाकात मुरल्यानंतरदेखील वाढायच्या आधी गुलाबजाम दोन ते तीन मिनिटे मंद गॅसवर ठेवावे, नरम तर होतातच पण चवही छान लागते.
- गुलाबजाम कडक व घट्ट झाले असल्यास झाकणाच्या डब्यात घालून पाच मिनिटे कुकरमध्ये वाफवावे, मऊसूत होतात.
- मंद गॅसवर ठेवून पुनःपुन्हा गरम केले तर गुलाबजाम जास्त फुगत जातात व पाक आतपर्यंत मुरतो, मऊही होतात.
- वाढताना दुसऱ्या दिवशी गुलाबजाम घट्ट आहेत असे वाटले तर वाढण्यापूर्वी एक उकळी द्यावी. परत हलके होऊन फुगून येतात.
- गुलाबजामचा पाक उरला असेल तर त्यात शंकरपाळ्यांचे पीठ भिजवून शंकरपाळे करावे.
- गुलाबजांच्या उरलेल्या पाकात सफरचंद, केळी, चिकू, अननस इत्यादी फळांच्या बारीक फोडी घालाव्या व शिजवाव्या. फळांचा हा मुरांबा फ्रिजमध्ये ठेवल्यास आठएक दिवसतरी टिकतो.
No comments:
Post a Comment