गुलाबजाम : तळताना....

• गुलाबजाम शक्यतो रिफाईन्ड तेलात तळावेत. तुपकट होत नाहीत. 
• गुलाबजाम डालडा तुपात तळले असतील तर थंड झाल्यावर तूप थिजते व ते पांढरट दिसतात. 
• वाढण्यापूर्वी गुलाबजामवर गरम पाणी शिंपडल्यास त्यावरील तूप वितळते. 
• गुलाबजाम तळताना मंद आचेवर तळावेत. प्रखर आचेवर तळल्यास आतून कच्चे राहतात व बाहेरून करपतात. कच्चे राहिल्यास पाकही आतपर्यंत मुरत नाही. 
• प्रथम एक गुलाबजाम करून तळून पाहावा. तळताना त्याला पदर सुटू लागले तर खव्यात मैदा कमी झाला आहे असे समजावे व थोडा मैदा खव्यात मिसळून मग गुलाबजाम करावे. 
• कढईत घातल्यावर थोड्या वेळाने गुलाबजाम तुपात तरंगला नाही तर गुलाबजाम घट्ट होणार असे समजावे. खव्यात नखभर सोडा व एक चमचा दूध घालून पुन्हा मळावे. मग गुलाबजाम वळावे. हलके होतात. 
• तळताना कढई प्रत्येक वेळी गॅसवरून खाली उतरवून एका वेळी पाच ते सात गोळे त्यात सोडावे. गुलाबजामना एकसारखाच रंग येतो.