जिलबी

• नुसत्या मैद्याऐवजी मैदा व रवा समप्रमाणात घेऊन केलेली जिलबी जास्त कुरकुरीत होते. 
• जिलबीच्या पिठात थोडेसे उडदाचे पीठ मिसळल्यास जिलबी अगदी चकचकीत दिसू लागते. 
• डाळीच्या पिठाचे किंवा दह्याचे प्रमाण जास्त झाल्यास जिलबी ओबडधोबड दिसते. 
• थंडीच्या दिवसांत जिलबी करायची झाली तर पीठ आदल्या दिवशी भिजवावे. चांगले आंबते. 
• पीठ आंबवताना पिठाच्या भांड्यावर केळीचे पान ठेवावे. पीठ लवकर आंबते. 
• जिलबी बनविताना आइसिंग ट्यूब किंवा आइसिंग गन वापरावी. जिलब्या एकसारख्या तर होतातच शिवाय पटकनही होतात. 
• दुधाच्या प्लॅस्टिकच्या पिशवीला भोक पाडून जिलबी घालण्यासाठी तिचा वापर करावा. 
• जिलबी जाड हवी असेल तर ती घालताना हात तळणीजवळ धरावा. बारीक हवी असेल तर वरून जिलबी घालावी. 
• जिलबी कडक हवी असल्यास जास्त तळावी. मऊ हवी असल्यास बेताची तळावी. 
• तळणीला जास्त ताव आला तर जिलबी मऊ पडते. 
• जिलबीच्या पाकात गुलाबपाणी किंवा व्हॅनिला घालावा. वेगळाच स्वाद येतो. 
• पाकात लिंबाच्या सालीचा कडवटपणा येऊ नये म्हणून लिंबू कापून सालाची बाजू अंगठ्याने मधोमध दाबून रस काढावा. 
• निम्म्या जिलब्या झाल्यावर पाक घट्ट झाला असे वाटल्यास पाकात अर्धी वाटी उकळते पाणी घालावे. 
• जिलबीचे पीठ उरल्यास दुसऱ्या दिवशी त्यात रवा, मैदा मिसळून ठेवावा. पुन्हा जिलबीचे पीठ तयार होते.