वड्यांचे विविध प्रकार

• आंबावडीत खोबरे घालावयाचे असल्यास ते आंब्याच्या माव्याबरोबरच पाकात घालावे. मिश्रणात चांगले एकजीव होते. 

• आंबा वड्या करताना आंब्याचा मावा फारच घट्ट वाटला तर कुकरमध्ये ठेवून वाफवून घ्यावा. 

• साखर घालून शेंगदाण्याच्या वडीचे मिश्रण करताना मिश्रण ढवळत असताना खमंग वास सुटला, पातेल्याचे बूड दिसू लागले, मिश्रण चकचकीत दिसू लागले म्हणजे वडीसाठी मिश्रण तयार झाले असे समजावे. 

• बेसनाच्या वडीत मावा घातल्यास वड्या मऊसूत होतात. 

• तिळाचे लाडू किंवा वड्या करताना त्यात थोडेसे साजूक तूप घातल्यास वड्या खुसखुशीत आणि स्वादिष्ट होतात. 

• आल्याची वडी नुसती केली तर तिखट होते. त्यात दूध, खवा, काजूपूड वगैरे घातल्यास चवदार व पौष्टिक होते.